Wat maak Zoetendal Akademie anders as ander skole?

Om so naby aan die see en die natuur te wees is beslis 'n trekpleister vir mense van alle ouderdomsgroepe, maar ons het die ongelooflike voorreg om vir die leerders van Zoetendal Akademie 'n omgewing te kan skep waar hulle veilig en sorgvry kan skoolgaan en buite speel, waar hulle op 'n warm somersdag kaalvoet kan skool toe gaan en al die ongelooflike wonders van die natuur rondom hulle kan beleef en geniet. In kleiner klasgroepe geniet kinders individuele aandag, kinders neem aan alles deel en word op hierdie manier gelei tot geballanseerde mense met 'n goeie selfbeeld en 'n gevoel van eiewaarde.